Япониянинг Миядзаки шаҳридаги очиқ савдоларда манго мевасининг ноёб турларидан бири қарийб 3,7 минг АҚШ долларига сотилди. Kyodo ахборот агентлигининг хабар беришича, савдоларда Фукуока туманидаги дўконлардан бирининг эгаси ғолиб чиққан.
У харид қилган мевасини пештахтада реклама мақсадида қўйиб қўйиш ниятида. Кимошди савдоларида ҳаммаси бўлиб 200дан ортиқ даъвогар иштирок этган.
Бундай савдоларга эса мангонинг маҳаллий “Қуёшли тури”нинг энг яхши намуналари қўйилади – улар таркибида шакар миқдори 15 фоиздан ошмаслиги ва оғирлиги 350 граммдан кўпроқ бўлиши керак.
Шуни таъкидлаб ўтиш жоизки, Япониядан бундай турдаги аукционлар доимий тарзда ўтказилади. Масалан, ўтган йилнинг майида Саппоро шаҳридаги савдоларда "Юбари" туридаги бир жуфт қовун 18,4 минг долларга сотилганди.
