Фото: WPA Pool / Getty
Буюк Британия бош вазири Тереза Мэй оммавий нутқи давомида янглишиб, мамлакатининг "туризм"га қарши курашмоқчилигини айтди.
"Биз туризмнинг олдини олиш учун дунёни ортимиздан етаклашимиз лозим", деб айтди Мэй Уэльснинг Бриженд вилоятида сўзлаган нутқида. Афтидан, вазир "террорчилик"ни назарда тутган, бироқ янглишиб кетганини пайқамай тингловчиларни ҳайратда қолдирган, деб хабар берди Daily Mirror нашри.
Theresa May: "We want to lead the world in preventing tourism". pic.twitter.com/OcrLkWso5W
— Adam Bienkov (@AdamBienkov) April 25, 2017
"Уэльс туризмдан яхшигина даромад олади, шунга Мэй бу хатони бошқа жойда қилса яхши бўларди", деб ёзган шарҳловчилардан бири Twitter’да.
"Тўғри, биз бу сайёҳларга таслим бўлмаймиз", деб ҳазиллашган яна бир фойдаланувчи.
