Англия футбол ассоциацияси «Манчестер Сити»нинг ёш футболчилар билан шартнома имзолашда қоидаларни бузгани учун жамоани жазолаш бўйича қарорга келди. Бу ҳақда Sky Sports нашри хабар тарқатди.
Манбага кўра, FA «Сити»га 18 ёшга тўлмаган футболчиларни академия учун сотиб олишни тақиқлаб қўйган. Шунингдек, жамоа 300 минг фунт стерлинг миқдорида жаримага тортилган.
Эслатиб ўтамиз, «Манчестер Сити» ўз академиясига «Эвертон»нинг 11 ёшли ва «Вулверҳэмптон»нинг 15 ёшли футболчисини қўшиб олишда қоидаларни бузганликда айбланган.
Олдинроқ, FA «Ливерпуль»ни ҳам худди шундай жазога тортганди.
