Исталган инсон «Реал» ҳужумчиси Криштиану Роналду билан бирга вақт ўтказиши мумкин. Бунинг учун жуда катта пулни тўлаш керак, ҳамда «Олтин тўп» соҳиби билан тўрт соат мулоқот қилиш имкони яратилади. Бу ҳақда Mirror The Dirty Business китобига асосан хабар берди.
Футболчини тўрт соатга ижарага олиш учун 920 минг фунт стерлинг тўлаш лозим. Саудия Арабистонидан бўлган ва номи ошкор этилмаётган компания ушбу хизматдан фойдаланишга рози бўлган.
Компания вакиллари бу пуллар эвазига португалиялик билан тўрт соат бирга бўлишлари, ижтимоий тармоқларда иккита изоҳ қолдиришлари, Роналду дастхати бўлган бешта футболкани олишлари ва фотосессияда иштирок этишлари мумкин.
Бундан ташқари, фирмага унинг тасвиридан бир кун мобайнида минтақавий реклама мақсадида фойдаланишга рухсат берилган.
