НАТО ҳаттоки ИШИД гуруҳи билан кураш бўйича коалиция таркибига кирса ҳам жангларда иштирок этмайди, у фақатгина техник кўмак ва миллий кучларни ўқитиш билан чекланади. Бу ҳақда альянс бош котиби Йенс Столтенберг маълум қилди.
У журналистнинг НАТО АҚШ қўмондонлигидаги коалицияга расман кириши мумкинми, деган саволига бу масала муҳокама этилаётганини айтган. Бош котиб қарор 25 май куни Брюссель шаҳрида бўлиб ўтадиган альянс йиғилишига қадар қабул қилинишига умид қилаётганини ҳам билдирган.
"Агарда НАТО коалицияга кирса, бу НАТОнинг ўрнини ўзгартирмайди... НАТО жанговар амалиётларда иштирок этмайди, ҳеч ким НАТО Сурияда ҳам, Ироқда ҳам жанговар амалиётларда маълум бир ўрин тутиши ҳақида мурожаат қилмади", - деган Столтенберг Берлинда бўлиб ўтган матбуот анжуманида.
"Биз AWACS самолётларидан фойдаланган ҳолда ёрдам беришда, Ироқда маҳаллий кучларни ўқитишда давом этамиз", - дея қўшимча қилиб ўтган бош котиб.
