Фото: The Telegraph
Британиянинг The Telegraph нашри маълум қилишича, куни кеча юз берган кенг кўламли хакерлик ҳужумлари Россия ҳукумати билан боғлиқ бўлиши мумкин.
Нашрнинг таъкидлашича, ҳодисага Shadow Brokers гуруҳининг АҚШ президенти Дональд Трампга яқинда қилган огоҳлантиришлари ҳам алоқадор бўлиши эҳтимоли мавжуд. Бу ҳолат Трамп Суриядаги ракета зарбаларини маъқуллаганидан сўнг юз берди.
«Тахминларга кўра, бу Shadow Brokers’нинг Россия ҳукуматига алоқаси борлигини кўрсатади», - дея хабар қилган газета.
Аввалроқ бутун дунё бўйлаб турли ташкилотлар серверларига ҳужум қилган хакерлар АҚШ Миллий хавфсизлик агентлигининг модификацияланган дастуридан фойдалангани хабар қилинганди.
