Англия премьер-лигасининг 28-туридан қолдирилган учрашувлардан бири бўлиб ўтди. Унда «Саутҳемптон» «Манчестер Юнайтед»ни қабул қилди.
Учрашув ҳеч нарсани ҳал қилмасди. Иккала жамоа ҳам чемпионатда ўзгариш амалга ошира олмасди. Шу боис ўйин ҳам шунга мос кечди. «Саутҳемптон» ҳужумлар уюштириб, голли вазиятларни кўпроқ яратган бўлсада, меҳмонларнинг аргентиналик дарвозабони Серхио Ромероо яхши ҳаракат қилиб, дарвозаси дахлсизлигини (Ромеро «МЮ» таркибида 17 учрашувда майдонга тушиб, 11тасида гол ўтказмаган) сақлаб қолди.
Ушбу натижадан кейин «МЮ»нинг АПЛдаги ғалабасиз ўйинлари сони бештага етди. 66 очко тўплаган «Юнайтед» сўнгги тур олдидан 6-ўринга ўзгармас бўлиб, мустаҳкам жойлашиб олди. «Саутҳемптон» эса 46 очко тўплаб, «Вест Бромвич»ни бир очкога ортда қолдириб кетди.
Англия премьер-лигаси
28-турнинг қолдирилган учрашуви
Саутҳемптон – Манчестер Юнайтед 0:0
Саутҳемптон: Форстер, Стивенс, Таргетт, Соареш (Пье, 69), Йосида, Редмонд, Уорд-Проуз (Буфаль, 77), Тадич, Дэвис, Габбьядини (Родригес, 62), Ромеу.
Манчестер Юнайтед: Ромеро, Смоллинг, Туанзебе (Кэррик, 64), Дармиан, Джонс, Феллайни (Эррера, 75), Мхитарян, Мата (Рэшфорд, 69), Байи, Руни, Марсьяль.
Огоҳлантиришлар: Ромеу (10), Соареш (37), Жонс (51).
