2017 йил 17 май куни, тахминан соат 18:00 ларда, номаълум шахслар Тошкент шаҳар Чилонзор тумани ҳудудида, ўзганинг мулкини талон-тарож қилиш мақсадида, фуқаро Б.К.Омонқуловга тегишли бўлган ISUZU маркали юк автомашинаси салонидан 15 млн сўм миқдорида нақд пул ўғирлашган.
Тақдим этилган фактлар бўйича Чилонзор тумани ички ишлар бошқармасидаги тергов бўлимида жиноят белгиларига кўра Ўзбекистон Республикаси ЖКсининг 169 модда 2 қисм «б» банди (ўғрилик, яъни ўзганинг мол-мулкини яширин равишда талон-торож қилиш) билан жиноят иши очилган.
Тезкор-қидирув тадбирлари ўтказилиши натижасида Тошкент шаҳар ички ишлар бош бошқармаси ходимлари томонидан 2017 йил 18 май куни ушбу жиноятни содир этган кимсалар "Рахматов" ва "Рўзиев" (анкета маълумотлари ўзгартирилган) исмли шахслар эканлиги аниқланиб, улар қўлга олинган. Айни вақтда ушбу шахслар бошқа жиноятларни содир этганликка текширилмоқда.
