Twitter асосчиларидан бири Эван Уильямс ушбу ижтимоий тармоқ Доналд Трампга АҚШ президенти бўлишда воситачи бўлганидан афсусда эканини маълум қилди. Президентнинг ўзи бу ҳақда олдинроқ айтиб ўтганди.
«Бу жуда ёмон — Twitter бу ишда хизмат қилиши яхши эмас. Агар бу ҳақиқат бўлса, мен бундан жуда афсусдаман», — деган у New York Times нашрига берган интервьюсида.
Уильямснинг фикрича, «бузилган», кўпчилик буни билади.
«Мен ўйлагандимки, қачонки барча ахборотларни алмашиб, ғоялар ҳақида эркин гапира олса, дунё ўз-ўзидан яхши томонга ўзгаради. Мен ноҳақ эканман», — деган у.
Twitter 2006 йилда Эван Уильямс, Жек Дорси ва Биз Стоун томонидан ташкил этилганди. 2 йил ўтиб, Уильямс компанияга президент бўлди. 2010 йилда у раҳбарликни тарк этди, Дик Костоло унинг ўрнига келди. У 2015 йилда чиқишга қарор қилди. Компания асосчиларидан бири Жек Дорси унинг ўрнини эгаллади.
