Россиянинг «Звезда» телеканали ўз сайтида Россия ҳарбий-денгиз флоти томонидан ИШИДнинг Палмирадаги иншоотларига ракета зарбалари бергани акс этган видеоларни жойлаштирди.
Бундан аввалроқ, Россия мудофаа вазирлиги «Адмирал Эссен» фрегати ва «Краснодар» сув ости кемасидан учирилган 4та «Калибр» ракеталари воситасида барча нишонлар йўқ қилинганини маълум қилган эди.
Москванинг таъкидлашича, мазкур зарбадан аввал, АҚШ, Исроил ва Туркия қўмондонлиги ўз вақтида огоҳлантирилган.
