Фото: РИА "Новости"
Россия президенти Владимир Путиннинг маълум қилишича, қонунчиликка терроризм учун озодликдан маҳрум этилганларни фуқароликдан маҳрум қилиш бўйича қўшимча киритиш лозимлиги ҳақидаги фикрларни қўллаб-қувватлайди.
«Албатта, Конституциявий суд билан маслаҳатлашиш лозим. Бироқ, умуман олганда, мен бундай позицияни ёқлайман», - дея айтиб ўтди Путин Россия давлат Думаси раиси Вячеслав Володин билан учрашув чоғида.
РИА Новости’нинг хабар беришича, Путин бу борадаги тегишли таклиф бундан аввал муҳокама қилинганини, шунинг учун ташаббусни кутилмаган, деб бўлмаслигини таъкидлаб ўтган.
19 май куни Россия давлат думаси терактни амалга ошириш мақсадида фуқароликни олганлардан уни маҳрум қилиш ҳақидаги қонун лойиҳалари тўпламини биринчи ўқишда қабул қилди.
