Теҳрондаги оятуллоҳ Хомейни мақбарасига ҳужум қилганлардан бири худкуш террорчи бўлган. FarsNews хабарига кўра, у ўзини мақбара ичида портлатиб юборган.
Mehr агентлиги хабарига кўра, бу ҳужум вақтида 5 киши жароҳатланган.
Ҳодисанинг бошқа тафсилотлари келтирилмаяпти.
Мақбарага ҳужум қилган икки киши қўлга олингани айтилмоқда.
Бугун, 7 июнь тонгида Эрон парламентига ҳам ҳужум уюштирилди. Охирги хабарларга кўра, ҳужум қилганлар сони 3 киши бўлиб, улар бир кишини ўлдирган, 10га яқин кишини жароҳатлаган ва одамларни гаровга олган.