Фото: ЎзА
Ҳиндистон ва Покистоннинг Шанхай ҳамкорлик ташкилоти таркибига тўлақонли аъзо давлатлар сифатида қабул қилиниши - тарихий қарордир. Бу ҳақда Ўзбекистон президенти Шавкат Мирзиёев Остонадаги ШҲТ саммити чоғида гапирган.
Ҳиндистон бош вазири Нарендра Моди ва Покистон бош вазири Навоз Шарифни «ШҲТ оиласи»га қабул қилингани билан табриклар экан, Шавкат Мирзиёев мазкур икки давлатнинг ташкилотга аъзо бўлиши кўп томонлама ҳамкорликни янада ривожлантириш учун буткул янги имкониятларни тақдим этишини таъкидлаб ўтди.
Ўзбекистон Президенти бугунги кунда ШҲТ минтақада тинчлик ва хавфсизлик, фаровонлик ва барқарор ривожланишни таъминлашни мақсад қилган давлатларнинг нуфузли ҳамжамияти сифатида шаклланганини қайд этди.
