Америкалик сенатор Линдси Грэмнинг маълум қилишича, демократлар ва республикачилар Россияга нисбатан санкцияларни кучайтириш бўйича қонун лойиҳасини тақдим этиш ниятида. Бу ҳақда Politico хабар бермоқда.
Нашр маълумотига кўра, Демократик партия вакиллари АҚШ президенти Дональд Трампга амалдаги санкцияларни енгиллаштиришни қонуний асосда тақиқлаб қўйишни исташмоқда. «Агарда Трамп қонун лойиҳасини имзоламаса ва Россияни жазоламаса, у демократияга хиёнат қилади», - деган Грэм.
Бир неча кун аввал Оқ уй вакили Сара Сандерс Америка президенти маъмурияти “Россияга қарши санкцияларни Украина инқирози ҳал этилмагунга қадар сақлаш ниятида” эканини маълум қилганди.
