Россия кунида мамлакатда коррупцияга қарши ўтказилаётган намойишлар вақтида, тадбирларнинг асосий ташкилотчиси, мухолифатчи Алексей Навальний Москвадаги Тверь кўчасидаги ўз уйи олдида қўлга олинди. Бу ҳақда сиёсатчининг рафиқаси Юлия твиттерида маълум қилган.
«Алексейни подъезд олдида қўлга олишди. У шуни етказиб қўйишни сўради, режалар ўзгармайди: Тверская», — деб ёзган Навальнийнинг рафиқаси.
Привет. Это Юля Навальная. Всех с праздником. Алексея задержали в подъезде дома. Он просил передать, что планы не меняются: Тверская.
— Alexey Navalny (@navalny) June 12, 2017
Навальнийнинг твиттерига жойланган суратда кўриш мумкинки, уни қўлга олиш учун камида 8 нафар полициячи 2та машинада уй олдига етиб келган.
С Днём России! pic.twitter.com/CkfZXT6EKo
— Alexey Navalny (@navalny) June 12, 2017
Навальний бир кун олдин ўз сайтида 12 июнь куни, Россия кунида ўз тарафдорларини Тверский кўчасида тинч намойиш учун тўпланишга чақирганди. Москва ҳокимияти Сахарова проспектида митинг ўтказишга рухсат берганди, аммо сиёсатчининг сўзларига кўра, у бу ҳудудга саҳна ва овозкучайтиргичлар ўрнатишга улгурмаган. Шундан сўнг намойиш жойи Тверский кўчасига кўчирилганди.
