Хитойнинг China Eastern Airlines авиакомпанияси самолёти турбулент зонага тушиб қолиши натижасида 26 киши турли жароҳатлар олди. "Синьхуа" шу ҳақида хабар берди.
Париж-Куньмин йўналиши бўйлаб ҳаракатланаётган самолёт 18 июнь, якшанба куни Хитойнинг жануби-ғарбидаги Юньань провинцияси пойтахтига муваффақиятли қўнди. Жабрланувчиларнинг барчаси маҳаллий шифохоналарга етказилди.
Йўловчиларнинг сўзларига кўра, баъзи кишилар креслосидан отилиб кетган, кўпчилик юкларнинг бошига қулашидан жабрланган.
Тўрт нафар жабрланувчи оғир аҳволда.