Фото: РИА Новости
Қатар билан алоқаларни узган араб давлатлари Қатарга алоқалар яна нормаллашиши учун бажариши керак бўлган талаблар рўйхатини топширди. Араб давлатлари Қатар Эрон билан дипломатик алоқаларни узишини ва ўз ҳудудидаги турк базасини ёпишини исташмоқда.
Associated Press ахборот агентлигининг маълум қилишича, Қатардан шунингдек "Al-Jazeera" телеканали ёпилиши талаб қилинмоқда.
Аввалроқ маълум қилинганидек, Кувайт Қатарга 4 та араб давлати талаблари рўйхатини тақдим қилган, бироқ рўйхатдаги талаблар ҳақида ҳеч қандай маълумотлар берилмаганди.
5 июнда Саудия Арабистони, Баҳрайн, БАА ва Миср Қатар билан димпломатик алоқаларни узишларини эълон қилганлар. Кейинроқ бу давлатларга Ливия ҳукумати, Яман, Мальдив, Мавритания ва Комор ороллари қўшилганди.
