Apple учун Чикаго марказида қурилаётган янги дўконнинг томи баҳорда битказилганди, бироқ унга яқиндагина қўшимча элемент билан безак беришди. Бу элемент журналистлар ва ижтимоий тармоқ фойдаланувчилари эътиборини ўзига тортди. Томнинг шакли, ранги ва ўртадаги “олма” логотипи уни баҳайбат MacBook Air’га айлантирди.
Лондондаги Foster+Partners дизайнерлик фирмасининг дастлабки лойиҳасида том, худди барча бино каби шишали эди. Мартда Chicago Tribune бино тепасида бренд логотипи пайдо бўлиши мумкинлиги ҳақида хабар қилди, бироқ тафсилотлар келтирилмади.
Айнан шу фирма бренднинг Сингапур ва Ханчжоудаги дўконлари устида ҳам ишлаган.
