Покистонда бензин ташувчи машинанинг ёниши ва портлаши оқибатида камида 148 киши ҳалок бўлди, ўнлаб одамлар жароҳат олди. Бу ҳақда The News нашри хабар бермоқда.
Покистон ОАВ маълум қилишича, ҳайдовчи бошқарувни қўлдан чиқаргандан кейин бензовоз ағдарилиб кетгач, одамлар ундан оқаётган бензинни йиғиш учун унинг ёнига тўпланганлар. Тахмин қилинишича, портлаш бу одамлардан баъзилари чекаётган бўлгани сабабли юз берган. Таъкидланишича, ҳалок бўлганлар сони ошиши мумкин, чунки кўпчилик жароҳат олганларнинг аҳволи оғир дея баҳоланмоқда.
