АҚШ собиқ давлат котиби Ҳиллари Клинтоннинг ёзишмаларини мустақил суриштирувдан ўтказган республикачи Питер Смит ўз жонига қасд қилди, деб хабар бермоқда Chicago Tribune.
Хабарга кўра, унинг жасади Миннесота штатида жойлашган Rochester меҳмонхонасидаги хоналардан бирида 14 май куни топилган. Полиция ҳужжатларида айтилишича, Смит видолашув мактубини ҳам қолдирган бўлиб, унда соғлиғи ёмонлашгани ва ҳаётининг 5 миллион долларлик суғурта полиси муддати тугаб бораётганини ёзган.
Таъкидланишича, ўз жонига суиқасд қилиш The Wall Street Journal’даги интервьюдан 10 кун ўтиб рўй берди. Унда хакерлар Смитга Клинтоннинг ёзишмаларини топширишгани ҳамда улар ёлғон эмаслиги айтилганди. Ўшанда Смит ушбу ёзишмаларга эга бешта хакерлик гуруҳини аниқлаганини маълум қилди. Ўлимидан бир кун аввал эса Смит ўз блогида АҚШ махсус хизматларининг 2016 йилги президентлик сайловларига аралашув иши бўйича хулосаларини танқид остига олди.
Peter W. Smith, GOP operative who sought Clinton's emails from Russian hackers, committed suicide, records show https://t.co/QDf8YnwhrA pic.twitter.com/UTF2KWFbcu
— ChicagoBreaking (@ChicagoBreaking) July 13, 2017
