«Челси» клуби хўжайини Роман Абрамович Неманья Матични «Манчестер Юнайтед» сафига ўтиши учун рухсат берди. Бу ҳақда The Telegraph нашри хабар тарқатди.
Манба берган хабарга кўра, бунинг учун манкунианлар 28 ёшли Сербия терма жамоаси яримҳимоячиси учун Лондон клубига 50 млн. фунт стерлинг (56,6 млн. евро) тўлашига тўғри келади. Матични «МЮ»га олиб келиш учун жамоа бош мураббийи Жозе Моуриньонинг шахсан ўзи жон-жаҳди билан ҳаракат қилиб келмоқда.
Матичнинг «Челси» билан амалдаги шартномаси 2018 йил ёзида ниҳоясига етади.
