Россия Федерал хавфсизлик хизмати ходимлари Москва вилоятида ИШИД террорчилик гуруҳининг икки тарафдорини қўлга олишди. Улар Суриядан терактга тайёргарлик кўриш бўйича кўрсатмаларни кутишган, деб хабар бермоқда РИА «Новости».
Владимир вилоятининг ФХХ бошқармасидан хабар қилинишича, эркаклар Сурия ҳудудидаги ИШИД аъзолари билан алоқада бўлишган.
«Суриядаги раҳнамоларининг ўқотар қурол, қўлбола портловчи қурилма тайёрлаш учун керакли эҳтиёт қисмларини харид қилиш ва террорчилик ҳужумини амалга ошириш учун керакли объектларни танлаб олиш бўйича кўрсатмаларини кутишган», - дея хабар қилишган куч тузилмасидан.
Аниқлик киритилишича, қўлга олинганлар – Россияга Марказий Осиё минтақаси мамлакатларидан келган шахслардир.
Терроризмга ундаш бўйича жиноий иш қўзғатилди.
Аввалроқ Петербургда терактларни амалга оширишга тайёргарлик кўрган марказий осиёлик 7 шахс қўлга олингани хабар берилганди.
