БМТнинг Сурия бўйича гуманитар ёрдам координатори ва Қочқинлар ишлари бўйича Норвег кенгаши (NRC) раҳбари Ян Эгеланн Туркияни қочқинларга муносабати учун мақтади.
"Туркия қочқинларни қабул қилиш ва уларни ҳимоялаш борасида дунёдаги энг сахий давлатдир. Буни кўриш зарур. Туркия 3 миллион суриялик қочқин ва бошқа давлатлардан ярим миллион қочқинни қабул қилиб қандай қурбонларга бораётганини англаш керак", деб айтган Туркия ташқи ишлар вазирлиги, Туркиянинг табиий офатлар ва фавқулодда вазиятлар бошқармаси ва Туркия Қизил яримой жамияти вакиллари билан учрашув натижаларига кўра "Анадолу" ахборот агентлигига Эгеланн.
Унинг таъкидлашича, NRC икки йилдан бери қочқинлар масаласи бўйича Анқара билан яқиндан ҳамкорлик қилмоқда.
"NRC Туркияни қўллаб-қувватлашга, бу мамлакатдаги 3,5 млн қочқин ҳамда мамлакат ташқарисидаги қочқинлар учун жавобгарлик юкини енгиллаштиришга интилмоқда. Жумладан, ташкилот қочқинларни ҳимоя қилиш, уларнинг таълим ва гуманитар ёрдам олишини таъминлаш борасидаги тажрибаси билан бўлишишга тайёр", деб қўшимча қилган БМТ координатори.
Эгеланн шунингдек Туркия БМТнинг Суриянинг қамалда қолган ҳудудларига гуманитар ёрдам етказишдаги саъй-ҳаракатларига қўмак кўрсатаётганига ҳамда кўплаб суриялик муҳожирларга бошпана берганига, Сурияда ярадор бўлган кўплаб одамлар Туркияда даволанаётганига эътибор қаратган.
