Ироқ бош вазири Ҳайдар ал-Ободий мамлакатда пайшанба, 10 августни дам олиш куни, деб эълон қилди. Бунга сабаб – мамлакатда жазирама об-ҳаво кузатилмоқда.
«Бош вазир Ҳайдар ал-Ободий пайшанба куни иш кунини бекор қилиш ҳақида расман қарор чиқарди. Бу ҳаво ҳароратининг кўтарилиши туфайли юз берди», - дея хабар қилган Ироқнинг IMN телеканали.
Таъкидланишича, Бағдод шаҳрида ҳаво ҳарорати Цельсий бўйича 50 даража иссиқни ташкил этган.
Аввалроқ Германиянинг Lufthansa авиакомпаниясининг Ироқдаги Эрбил шаҳрига йўл олаётган самолёти жазирама об-ҳаво туфайли Туркияда фавқулодда қўнгани хабар берилганди.
