Фото: NASA
NASA коинот агентлиги Ернинг Ой сиртидан олинган биринчи суратини намойиш қилди. Ушбу ноёб сурат 51 йил аввал олинган бўлса-да, бироқ агентлик уни бутун дунёга энди кўрсатишга қарор қилди. Сурат агентликнинг ижтимоий тармоқлардаги расмий саҳифасида жойлаштирилди.
Маълум қилинишича, сурат 1966 йил 10 августда ўша пайтда энг мукаммал саналган Lunar Orbiter луноходи ёрдамида олинган. Шу куни қурилма Ой сиртидан ҳаммаси бўлиб 3 мингдан кўпроқ сурат олган. Бироқ айтиш жоизки, суратларнинг аксарият қисмида бевосита Ой сирти акс этган.
Ўша вақтда Ойга унинг сиртини ўрганиш учун 5 та Lunar Orbiter қурилмаси жўнатилган. Луноходлар Ойнинг сирти бўйлаб секин-аста ҳаракатланиб, ҳар бир нуқтада бир нечтадан сурат олганлар.
