Ислом Каримов номидаги “Тошкент” халқаро аэропортида мукаммал таъмирлаш ишлари ўтказилганидан сўнг 1-рақамли учиш-қўниш йўлаги фойдаланишга топширилди.
Таъмирлаш ишлари давомида 50 минг квадрат метр келувчи асфальт қопламаси алмаштирилди. Шунингдек, нур сигнал берувчи қурилмани ўзгартириш бўйича ишлар бажарилди, сунъий учиш-қўниш йўлагининг янги ўқ чизиғи, қўниш ҳудудлари ва учиш-қўниш йўлагига кириш чироқлари ўрнатилди.
Қайд этилишича, янги 1-рақамли сунъий учиш-қўниш йўлаги парвозлар хавфсизлиги таъминлаш бўйича барча халқаро талабларга жавоб беради.
