Amazon компанияси умумий миқдори 16 млрд доллар бўлган облигацияларни чиқарди, уларга бўлган талаб ҳажми Беларусь ялпи ички маҳсулоти билан тенглашди. Бу ҳақда CNBC хабар бермоқда.
Аниқлик киритилишича, облигацияларнинг чиқарилишидан тушган пуллар Amazon июнь ойи ўрталарида харид қилган Whole Foods соғлом озиқ-овқат маҳсулотлари супермаркетлари тармоғини қўллаб-қувватлаш учун ишлатилади.
CNBC’нинг Deutsche Bank’га асосан хабар беришича, онлайн-ритейлернинг облигацияларига талаб жуда юқори бўлган, мурожаатлар ҳажми 49 млрд долларни ташкил этди. Бу эса Беларусь ЯИМ билан баробар.
