Қон таҳлилини топширишга мажбур бўлаётган беморларнинг энг кенг тарқалган муаммоси - паст гемоглобин, яъни камқонлик. Ушбу кўрсаткични оширишнинг икки йўли бор, деб ёзади "Ортодокс" тиббий портали.
Биринчиси, оддий - муайян дори препаратларини қабул қилиш. Иккинчиси, мураккаброқ - озиқланиш рационини ўзгартириш ва маҳсулотлар ёрдамида гемоглобинни ошириш.
Иккинчи вариантда риоя қилиш керак бўлган уч қоида мавжуд:
1. Дон маҳсулотлари ва сули ёрмаси - нонушта.
2. Қайнатилган жигар, тухум, мол гўшти, қизил рангдаги сабзавотлар - мукаммал тушлик.
3. Қайнатилган ёки буғда тайёрланган балиқ, денгиз маҳсулотлари, тофу пишлоғи, қизил рангли мевалар, қора аччиқ шоколад - камқонликдан азият чекувчилар учун айни муддао.
