Ҳиндистон шарқида жойлашган Бихар штатида юз берган сув тошқинлари натижасида ҳалок бўлганлар сони 202 кишига етди, 12 млн.дан ортиқ киши тошқин ҳудудида қолган.
Табиий офатлар оқибатларини бартараф этиш бўйича Миллий бошқарманинг якшанба куни берган хабарига кўра, Бихар, Ассам, Ғарбий Бенгалия ва Уттар-Прадеш штатларидаги муссон ёмғирлари бир ҳафтада 412 кишининг ўлимига сабаб бўлган.
Бихарда фавқулодда ҳодисаларда ҳаракатланиш бўйича кучларнинг 28 та бўлинмаси иш олиб бормоқда, 1765 та дала ошхоналари ташкил этилди, у ерда сув тошқинидан жабр кўрган ҳудудларнинг 350 минг аҳолисига хизмат кўрсатилмоқда. Ҳаводан сув сабаб тўсилиб қолган қишлоқларга озиқ-овқат ва биринчи галдаги маҳсулотлар ташланмоқда.
Аввалроқ Ҳиндистонда йирик темир йўл фалокати юз берганди.
