АҚШ президенти Дональд Трамп Барак Обаманинг яна бир фармонини бекор қилиб, полицияни армия қуроли билан қуроллантиришга чекловни бекор қилмоқчи. Бу ҳақда Associated Press ахборот агентлиги ўз ихтиёрида бўлган ҳужжат лойиҳасига иқтибос келтирган ҳолда хабар бермоқда.
Обама фармонига кўра, АҚШ полицияси бронетранспортёрлар, гранатомётлар ва армия қўллайдиган бошқа қурол билан қуролланиши мумкин эмас. Бундай чоралар полициянинг “жамоат тартибини яхшироқ ҳимоя қилиши” ҳамда жиноятчилик даражасини пасайтиришга қаратилганди.
Обама ушбу фармонни оқ танли полициячилар томондан қора танли ўсмирнинг ўлдирилиши ва бунинг негизида бутун АҚШ бўйлаб норозилик намойишлари авж олгани билан боғлиқ ҳолда 2015 йилда қабул қилган. Ўшанда полиция намойишчиларни тарқатиш учун газ ва бронетранспортёрлардан фойдаланган.
