2018 йили Россияда бўлиб ўтадиган ЖЧ саралаш босқичининг КОНМЕБОЛ минтақасида 15-тур учрашувлари бўлиб ўтди.
Турнинг марказий учрашувида Уругвай терма жамоаси Аргентинани қабул қилди ва учрашувда ҳисоб очилмай қолди. Икки даъвогарнинг очко йўқотишидан эса бошқа термалар фойдалана олишмади. Турнинг энг кутилмаган натижасига сабаб бўлган учрашувда Чили терма жамоаси ўз уйида Парагвайга йирик 0:3 ҳисобида имкониятни бой бериб қўйди. Колумбия ҳам дуранг ўйнади.
Бундай натижалардан эса фақатгина Бразилия терма жамоаси унумли фойдаланиб қолди. Эквадорни қабул қилган «пентакампеонлар» Паулиньо ва Коутиньонинг голлари эвазига ғалаба қозониб, саралаш босқичи тугашига 3 тур қолганида минтақа гуруҳида биринчи ўринни нақд қилиб қўйди. 15 учрашувда 36 очко тўплаган Бразилия терма жамоаси энг яқин таъқибчиси Колумбияни 11 очкога ортда қолдириб кетган.
3-ўринда бораётган Уругвай терма жамоасида 24 очко бор. Чили ва Аргентина терма жамоаси эса 23 очкодан тўплаб 4-5 ўринларни бўлишиб турибди. Ушбу турдаги ғалаба эвазига Парагвай ва Перу терма жамоалари 21 очкодан тўплаб йўлланма учун яна курашга қўшилди.
ЖЧ-2018, саралаш босқичи.
Жанубий Америка
15-тур
Уругвай – Аргентина 0:0
Уругвай: Муслера, Хименес, Сильва, Касерес, Годин, Нандес, Гонсалес (Корухо, 68), Весино, Родригес, Суарес (Стуани, 83), Кавани.
Аргентина: Ромеро, Меркадо, Фасио, Отаменди, Писарро, Акунья (Акоста, 61), Биглия, Ди Мария (Корреа, 90), Дибала (Пасторе, 71), Икарди, Месси.
Огоҳлантиришлар: Хименес (41), Гонсалес (47), Меркадо (50), Пасторе (72), Родригес (77).
Бразилия – Эквадор 2:0 (0:0)
Голлар: Паулиньо (69), Коутиньо (76).
Бразилия: Алиссон, Маркиньос, Марсело, Дани Алвес, Миранда (Тиаго Силва, 46), Виллиан (Луан, 84), Каземиро, Ренато Аугусто (Коутиньо, 59), Паулиньо, Неймар, Габриэл Жезус.
Эквадор: Бангера, Арболеда, Ачильер, Рамирес, Валенсия, Нобоа, Киньонес, Мартинес (Кайседо, 79), Гайбор (Касарес, 73), Веласко, Валенсия (Кайседо, 73).
Огоҳлантиришлар: Мартинес (26), Неймар (36), Габриэл Жезус (60), Веласко (60), Марсело (80).
Венесуэла – Колумбия 0:0
Венесуэла: Фариньес, Вильянуэва, Чансельор, Гарсия, Фельчер, Ринкон, Эррера, Кордова (Фигера, 84), Мартинес (Отеро, 55), Рондон, Мачис (Мурильо, 60).
Колумбия: Оспина, Сапата, Мурильо, Арьяс, Фабра, Барриос, Санчес (Агиляр, 75), Кардона (Морено, 63), Куадрадо, Чара (Муриэль, 80), Фалькао.
Огоҳлантиришлар: Мурильо (16), Кордова (18), Ринкон (90).
Чили – Парагвай 0:3 (0:1)
Голлар: Видаль (24, автогол), Касерес, Ортис (90).
Чили: Браво, Босежур, Медель, Хара (Орельяна, 79), Исла, Арангис, Диас (Паредес, 57), Санчес, Видаль, Варгас, Кастильо (Вальдивия, 57).
Парагвай: Сильва, Морейра, Алонсо, Самудио (Барейро, 51), да Сильва, Альмирон (Ролон, 79), Риверос, Ромеро, Касерес (Ортис, 70), Гомес, Барриос.
Огоҳлантиришлар: Барейро (72), Арангис (75), Хара (77), Босежур (84), Видаль (90).
Перу – Боливия 2:1 (0:0)
Голлар: Флорес (55), Куэва (59) – Альварес (72).
Перу: Каседа, Родригес, Рамос, Адвинкула, Трауко, Акино, Куэва (Уртадо, 79), Каррильо (Поло, 88), Фарфан, Руидиас (Пенья, 72), Флорес.
Боливия: Лампе, Вальверде, Ральдес, Сентено, Бехарано, Кампос, Вайяр, Кастро (Хустиниано, 65), Сагредо (Флорес, 65), Морено, Альварес.
Огоҳлантиришлар: Ральдес (35), Кампос (42), Адвинкула (50), Акино (64), Фарфан (90).
