Фото: Shutterstock
АҚШ президенти Дональд Трамп Қатар амири шайх Тамим бин Ҳамад ал-Таний билан телефон мулоқоти ўтказди. Бу ҳақда Оқ уй матбуот хизмати хабар бермоқда.
Америка етакчиси суҳбат давомида араб давлатлари томонидан Ар-Риёдда жорий йилнинг май ойи охирида эришилган келишувларга риоя этиш муҳимлигини таъкидлаб ўтди. Хусусан, Трамп терроризм ва экстремистик мафкура билан курашда бирдамликни сақлаб қолишга чақирди.
«Шунингдек, президент Трамп ва амир ал-Таний Эрон томонидан минтақавий барқарорлик учун сақланиб қолаётган таҳдидни ҳам муҳокама қилдилар», - дейилади хабарда.
Аввалроқ 4 араб давлати Қатар бўйича баёнот билан чиққани хабар берилганди.
