ФИФА 2017 йилнинг энг яхши футболчиси учун топшириладиган The Best соврини учун даъвогарлик қилаётган уч нафар футболчи номини эълон қилди. Бу ҳақда ташкилот расмий сайти хабар тарқатди.
Манбага кўра, бу соврин учун «Реал» ҳужумчиси Криштиану Роналду, «Барселона» ҳужумчиси Лионель Месси ва «Барселона» собиқ футболчиси, эндиликда «ПСЖ» вакили бўлган Неймар даъвогарлик қилади.
Маълумот учун, Криштиану Роналду «Реал» билан ўтган мавсумда ЕЧЛ ва Испания чемпионатида зафар қучган. Месси ва Неймар Испания кубогини ютган.
