Ироқнинг Курдистон мухтор вилоятида бўлиб ўтган мустақиллик учун умумхалқ референдумида 3,3 млн кишидан ортиқ сайловчи иштирок этди. Бу маълумотларни мухтор вилоят Сайловлар ва референдум бўйича Олий мустақил сайлов комиссияси расмий вакили Ширвон Зарарий тақдим этди, деб хабар қилмоқда Ал Сумария телеканали.
Унинг сўзларига кўра, Ироқ Курдистонида рўйхатдан ўтган кишилардан "овоз бериш жараёнида 3 305 925 киши қатнашган". Зарарийнинг қайд этишича, "референдумда иштирок этганларнинг умумий миқдори 72,16 фоизни ташкил этган".
Айрим туманларда мустақиллик учун референдумда иштирок этган сайловчилар сони 95 фоиздан ортгани айтилмоқда. Аксарият сайловчилар Ироқ Курдистони ва курдлар истиқомат қилаётган бошқа минтақалар мустақиллигини ёқлаб овоз берган. Бироқ, ҳозирча, бу хабарлар расман ўз тасдиғини топгани йўқ.
Референдумнинг расмий натижаси 72 соат ичида эълон қилинади.
