Фото: AP Photo / Christophe En
ЮНЕСКО ижроия кенгаши ташкилотга бош директор сайлай олмаяпти. 12 октябрда сайловнинг 4-тури бўлиб ўтган.
ЮНЕСКО раҳбари лавозимига 3 номзод даъвогарлик қилмоқда. Улар Франциянинг собиқ маданият вазири Одри Азуле, Мисрнинг оила ва жамият масалалари бўйича собиқ вазири Мушира Хаттоб ва қатарлик Хамад бин Абдулазиз Ал-Каварий.
Овоз бериш натижасида Азуле ва Хаттоб 18 тадан овоз, Ал-Каварий эса 22 овоз тўплаган. Бош директор бўлиш учун зарур бўлган 30 та овозни ҳеч ким тўплай олмаган.
ЮНЕСКОнинг кейинроқ бўлиб ўтадиган 39-сессиясида сайловларда ғолиб бўладиган номзод тасдиқланади.
