Чиноз тумани ИИБга Сирдарё вилоятида яшовчи 1982 йилда туғилган С.Қ. ариза билан мурожаат қилиб, ўз аризасида жорий йилнинг 8 октябрь кунига ўтар кечаси номаълум шахс, ҳеч ким йўқлигидан фойдаланиб, ён ойнасини синдириш йўли билан, Чиноз туманида жойлашган “Балиқ бозори” олдида турган унга тегишли «Хово» русумли давлат белгиси 20 А 395 GA юк автоулови салонидан 3.200.000 сўм пулларини ўғирлаганлигини маълум қилган. Бу ҳақда Тошкент вилояти ИИБ хабар бермоқда.
Олиб борилган тезкор чора-тадбирлар натижасида ушбу жиноятни Чиноз туманида яшовчи 1987 йилда туғилган Б.М. содир этганлиги аниқланиб, ушланди.
Ушбу ҳолат юзасидан унга нисбатан Ўзбекистон Республикаси Жиноят Кодексининг 169-моддаси билан жиноят иши қўзғатилди. Терговни ИИБ олиб бормоқда.
