Ҳонгконгда "Ханун" тўфони яқинлашиши сабабли шторм огоҳлантириши эълон қилинди. Бу ҳақда Ҳонгконг метеорологик обсерваториясида маълум қилинди.
Тўфоннинг хавфлилиги мумкин бўлган 10 баллдан 8 баллга баҳоланган.
Тўфон 15 октябрь кундузи Ҳонгконгдан 200 км узоқликда ўтиши кутилмоқда. Об-ҳаво мутахассисларининг прогнозича, кечки вақт кучли сув кўтарилиши юз беради ва бу пастқам ҳудудларнинг сув остида қолишига олиб келиши мумкин.