Фото: EPA/KIYOSHI OTA
Япония ҳукумати мамлакат императори Акихито 2019 йил март ойи охирида тахтдан воз кечиши ҳақидаги хабарларни расман рад этди.
"Бу ҳақиқатга мос келмайди", - деган вазирлар маҳкамаси бош котиби Ёсихидэ Суга Токиода ташкил этилган матбуот анжуманида.
"Манфаатдор идоралар бу масалани ўрганишда давом этмоқда, - деган у. – Биз тахтни топшириш силлиқ ва ўз муддатида ўтиши учун барча кучимизни сарфлаймиз". Бош котиб, шунингдек, тез орада император оила аъзоларининг кенгаши чақирилишини ва унда давлат раҳбарининг нафақага чиқиши муддати муҳокама қилинишини ҳам инкор этди.
Аввалроқ, император Акихито 2019 йил март ойи охирида тахтдан воз кечиши ҳақида хабар қилинган эди.
