Туркманистонда 1 миллион тоннадан зиёд пахта териб олинди. Бу ҳақда 19 октябр, пайшанба куни мамлакат Вазирлар Маҳкамаси йиғилишида маълум қилинди.
2017 йилга мўлжалланган режада - 1 миллион 50 минг тонна пахта. Мамлакат президенти Гурбангули Бердимуҳамедов пахта терими кампаниясини 27 октябргача якунлаш ҳақида топшириқ берди.
«Бердимуҳамедов қаҳрамон пахтакорларни ажойиб муваффақият билан чин қалбдан табриклаб, уларга мустаҳкам соғлик, бахтли ва фаровон ҳаёт, янги меҳнат ғалабаларини тилади», - дейилади хабарда.
Туркманистон раҳбари, шунингдек, мамлакат тўқимачилик саноати эҳтиёжлари учун пахта хом-ашёси миқдорини аниқлаш, ундан ортиғини эса Давлат товар-хомашё биржаси орқали сотишни буюрди.
