ФИФА томонидан йилнинг энг яхши футболчисига овоз бериш жараёнида Аргентина сардори Лионель Месси ва Португалия сардори Криштиану Роналду ҳам иштирок этган.
Хусусан, Месси дунёнинг энг яхши футболчиси деб «Барселона»даги жамоадоши Луис Суаресни белгилаган. Кучли учталикка эса Андрес Иньеста ва Неймарни ҳам киритган.
Роналду эса «Реал» клубидаги жамоадоши Лука Модрични дунёнинг энг яхши футболчиси деб белгилаган. Кучли учталикка Серхио Рамос ва Марселони киритган.
Эслатиб ўтамиз, овоз бериш жараёни якунига кўра, Роналду 43,16 %, Месси 19,25 % ва Неймар 6,97 % овоз тўплаган эди.
