Lexus флагман седанини илк бор бўлиб ўтган Токио автосалонида намойиш этди. Жозибали Lexus LS+ 2020 йилда серияли ишлаб чиқарилувчи автомобилларга ўрнатиладиган автоматлаштирилган бошқарувнинг алоҳида тизими билан тўпланганларни ром этди, деб ёзади Trendymen.ru
Янги автомашина Highway Teammate номини олди. Кўпроқ ҳақиқий сунъий идрокка ўхшайдиган автопилот ҳайдовчи полосаларни алмаштириб оқимга қўшилишга кўп куч сарфламаслик учун фақат тезюрар шосселарда ишга тушади. Боз устига, Highway Teammate йўлдаги вазиятдан келиб чиқиб, ўзи ҳаракатлари алгоритмини тузади.
Седаннинг бортидаги барча тизимлар машина ўқуви алгоритмидан фойдаланувчи сунъий идрокка боғланган. Сунъий идрок улкан маълумотлар ҳажмини қайта ишлайди, демак, трассага ҳар чиқишида такомиллашиб бораверади. Назарда тутилишича, Lexus LS+ йўлдаги тирбандликлар ёки автоҳалокатлар ҳақида маълумот олиш учун бошқа автомобиллар билан мулоқотга киришади.
Компания LS+ моделини 2020 йил охиригача серияли ишлаб чиқаришни йўлга қўймоқчи. Шу йилнинг сўнгига қадар жорий йилнинг январида Детройт автосалонида дебют қилган Lexus LS’нинг кичик моделини буюртма қилиш мумкин.
