Signal ҳимояланган мессенжерини олдин ҳам компьютерларда ишлатиш мумкин эди, бироқ Chrome учун кенгайтмани ўрнатиш талаб этиларди. Бошқа браузерларни афзал кўрганлар эса уни ишлата олишмасди. Энди мессенжерда браузер аналогига ҳеч нарсада ютқазмайдиган тўлиқ десктоп иловаси мавжуд.
Дастурни Windows 7’нинг камида 64 битли версиясига, macOS 10.9 Mavericks ёки Ubuntu ҳамда Debian каби Advanced Package Tool’га эга Linux дистрибутивига ўрнатиб олиш мумкин.
Chrome учун иловадан янги десктоп мижозларга ёзишмалар ҳамда алоқаларни кўчириш имкони бор - бу дастурни ўрнатиш жараёнида рўй беради.
