2017 йилнинг 1 ноябрдан 2 ноябрга ўтар кечаси, Р.Т. ўзганинг мол-мулкини яширин равишда талон-торож қилиш мақсадида, Миробод тумани ҳудудида жойлашган парфюмерия буюмлари дўкони эшиги қулфини калит танлаш йўли билан очган ҳолда ғайриқонуний равишда кириб, фуқаро С.Т.га тегишли бўлган жами баҳоси 33.452.000 сўмлик мол-мулкини ўғирлаб, жиноят жойидан яширинган. Бу ҳақда Тошкент ИИББ хабар бермоқда.
Мазкур ҳолат юзасидан, Миробод тумани ИИБ ҳузуридаги Тергов бўлими томонидан Ўзбекистон Республикаси ЖКнинг 169-моддаси 2-қисми “б, г” бандлари (ўғрилик, яъни анча миқдорда, омборхона ва бошқа хонага ғайриқонуний равишда кириб, ўзганинг мол-мулкини яширин равишда талон-торож қилиш) аломатлари билан жиноят иши қўзғатилган.
Ҳозирда дастлабки тергов ҳаракатлари давом эттирилиб, унинг бошқа жиноятларга алоқадорлиги текширилмоқда.
