Англия премьер-лигасининг 11-туридан ўрин олган марказий учрашувларидан бирида «Челси» ўз уйида «Манчестер Юнайтед»ни қабул қилиб, ўта муҳим ғалабани қўлга киритди.
Учрашувнинг 55-дақиқасида Альваро Мората томонидан киритилган ягона гол Антонио Конте шогирдларига уч очко келтирди ва натижада жамоа рақибга яқинлашиб олди.
Ушбу ғалабадан кейин «Челси» ҳисобидаги очколар сони 22тага етди ва жамоа ҳамон 4-ўринда қолмоқда. «Манчестер Юнайтед» эса 23 очко тўплаб эндиликда «Тоттенҳэм» билан бир хил кўрсаткич эвазига 2-3 ўринларни бўлишиб турибди. «Сити» билан иккинчи ўриннинг фарқи эса 8 очкогача ошди.
Англия премьер-лигаси, 11-тур
Челси – Манчестер Юнайтед 1:0 (0:0)
Гол: Мората (55).
Челси: Куртуа, Кристенсен, Кэйхилл, Алонсо, Аспиликуэта, Фабрегас (Дринкуотер, 79), Канте, Азар (Виллиан, 87), Бакайоко, Дзаппакоста (Рюдигер, 66), Мората.
Манчестер Юнайтед: Де Хеа, Жонс (Феллайни, 62), Смоллинг, Валенсия, Байи, Матич, Янг (Лингард, 78), Эррера, Мхитарян (Марсьяль, 62), Лукаку, Рэшфорд.
Огоҳлантиришлар: Бакайоко (20), Жонс (49), Эррера (51), Феллайни (71).
