Футбол статистикасига ихтисослашган WhoScored нашри Хитой Суперлигасининг 2017 йил мавсумидаги энг яхши футболчиларидан иборат рамзий терма жамоасини эълон қилди.
Ундан Ўзбекистон терма жамоаси ҳимоячиси Анзур Исмоилов жой олди. Жорий мавсумда у «Чанчун Ятай» клубининг 24 ўйинида майдонга тушиб, 3та гол уришга муваффақ бўлган.
Терма жамоа сардори Одил Аҳмедов «Шанхай СИПГ» етакчиларидан бири бўлса-да, рамзий термага киритилмади.
Рамзий терма жамоа таркиби қуйидагича:
Дарвозабон: Ю Леи (Гуанчжоу Фули)
Ҳимоячилар: Миао (Гуанчжоу Фули), Линпенг (Гуанчжоу Эвергранд), Анзур Исмаилов (Чанчун Ятаи), Жипенг (Гуанчжоу Фули)
Яримҳимоячилар: Ренатиньо (Гуанчжоу Фули), Оскар (Шанхай СИПГ), Гуларт (Гуанчжоу Эвергранд), Захави (Гуанчжоу Фули)
Ҳужумчилар: Ҳалк (Шанхай СИПГ), Лавесси (Хэбей Чайна Форчун)
