19 ноябрь куни Наманган вилоят Халқ депутатлар Кенгашининг навбатдан ташқари сессия йиғилиши бўлиб ўтди. Бу ҳақда ҳокимлик масъул ходими Kun.uz'га хабар берди.
Унда бир нечта ташкилий масалалар муҳокамага қўйилган бўлиб, кун тартибида Наманган вилоятига ИИБ бошлиғи лавозимига полковник Одил Эргашевич Отахўжаевнинг тайинланиши маъқулланди.
Ушбу лавозимда шу кунгача фаолият юритиб келган полковник Азиз Анварович Тошпўлатов эса Самарқанд вилояти ИИБ бошлиғи лавозимига тайинланган.
KUN.UZ аниқлаган маълумотларга кўра, шу кунгача Самарқанд вилоят ИИБ бошлиғи вазифасида ишлаб келган Файзулло Бозорович Қувондиқов ўз аризасига кўра лавозимидан озод этилган.
