Фото: The Guardian
Император Наполеон тожи учун махсус ясалган олтин дафна барги Париждаги аукционда 625 минг евро эвазига сотилди. Бу ҳақда The Guardian хабар бермоқда.
Аввалига ушбу артефакт 100-150 минг еврога сотилиши тахмин қилинганди.
Барг 1804 йилдаги маросимдан аввал тождан олиб қўйилган, сабаби Бонапарт уни жуда оғир деб ҳисоблаган. Император заргари Мартен Гийом Бьенне у ердан олтита шундай баргни қирқиб олган ҳамда ўз қизларига берган. Сотилган барг эса Бьенне оиласида шу вақтга қадар авлоддан авлодга ўтиб келган эди.