Ўзбекистон Футбол Федерацияси Ўзбекистон миллий терма жамоасига бош мураббий жалб этиш бўйича бир неча хорижлик мутахассислар билан музокаралар олиб бормоқда, деб ёзмоқда ЎФФ расмий сайти.
Манба берган хабарга кўра, улар қаторида мураббийлик фаолияти давомида Россия, Польша, Хитой ва БАА чемпионатларида фаолият олиб борган 49 ёшли руминиялик Дан Петреску номи биринчи ўринда.
Франция, Сербия, Украина, Россия чемпионатида ҳаракат қилувчи кўплаб клубларда ишлаган 64 ёшли сербиялик Славолюб Муслин каби мутахассис ҳам терма жамоа бош мураббийлиги учун асосий номзодлардан бири.
Шунингдек, Тошкентнинг «Пахтакор» ҳамда Москванинг «Динамо» каби клубларидаги фаолияти орқали ўзбек футбол мухлисларига яхши таниш бўлган 50 ёшли черногориялик мутахассис Миодраг Радулович ҳам номзодлар қаторида.
Федерация яна қуйидаги мураббийлар терма жамоа мураббийлиги учун номзод сифатида кўриб чиқмоқда ва улар билан музокаралар ўтказмоқда.
Анжелио Алессио – Италия, 52 ёш. «Наполи», «Ювентус», «Челси» клублари ва Италия терма жамоасида ёрдамчи мураббий сифатида ишлаган.
Бернд Шторк – Германия, 54 ёш. «Штутгарт», «Вольфсбург», «Боруссия» Дортмунд клублари, шунингдек, Қозоғистон, Венгрия терма жамоаларини бошқарган.
Бранко Иванкович – Хорватия, 64 ёш. Эрон миллий терма жамоаси, шунингдек, «Ал-Иттифоқ», «Ал-Ваҳда», «Персеполис» клубларида бош мураббий сифатида фаолият юритган.
Славен Билич – Хорватия, 49 ёш. Хорватия терма жамоаси билан 2010 йилги ЖЧ иштирокчиси, «Вест Ҳэм» клуби собиқ мураббийи.
Вальтер Маццари – Италия, 56 ёш. «Наполи», «Интер», «Уотфорд» каби клубларни бошқарган.
Берт ван Маарвейк – Нидерландия, 65 ёш. «Фейеноорд», «Боруссия» Дортмунд, «Ҳамбург» клублари ва Нидерландия, Саудия Арабистони каби терма жамоаларда фаолият юритган.
