Зимбабвенинг янги президенти Эммерсон Мнангагва Ғарб давлатларини мамлакатда инсон ҳуқуқлари бузилиши ҳолатлари туфайли аввал қўлланган санкцияларни бекор қилишга чақирди. У Зимбабведа хорижий инвестициялар сақлаб қолинишини маълум қилган.
«Биз шуни сўраймизки, ўтмишда бизга қўлланган жазолар қайта кўриб чиқилиши керак», — деган Мнангагва президент сифатидаги илк чиқишида.
У Зимбабве ҳукумати хорижий инвестициялар хавфсизлигини кафолатлашини ваъда қилган.
Бундан ташқари, у аввалги ҳукумат томонидан ерлари тортиб олинган оқ танли фермерларнинг зарарлари қоплаб берилишини маълум қилди.
Қайд этиш керакки, янги президент мамлакатни 37 йил бошқарган диктатор Роберт Мугабега вице-президент ҳисобланарди. У октябрь ойида лавозимидан истеъфога чиқарилган, Мугабе уни давлат тўнтариши амалга оширишга уринишда айблаганди. Шундан сўнг у мамлакатдан қочиб кетди. 15 ноябрь куни эса мамлакат армияси Мнангагвани қўллаб чиқди ва пойтахтни эгаллаб, Мугабени ҳокимиятдан четлаштирди. Бир неча кун ўтиб, Мугабе лавозимини ўз ихтиёри билан тарк этди.
