1984 йилда Нукус шаҳрида туғилган, «Байтерек» МФЙда истиқомат қилувчи И.Э исмли аёл ишлаш учун Қозоғистонга йўл олади.
«Эркин Қарақалпақстан» нашри ёзишича, у 2016 йилнинг июль ойида Ақтау шаҳри бозорида фуқаролик паспортини йўқотиб қўяди. Паспортсиз бу аёл шу йилнинг февралида тонги соат 04:00 лар атрофида туғилган юртига қайтиш учун, мавжуд қонунларни бузиб, айланма йўллар орқали Қозоғистон Республикасидан Қорақалпоғистоннинг Қўнғирот туманига ноқонуний тарзда кириб келган.
Кодекснинг тегишли модда ва бўлимларида назарда тутилган жиноятни амалга оширишда айбланган Э.И суд томонидан энг кам иш ҳақининг 20 баробари миқдорида жаримага тортилди.
